محمد التاجى يخضع لعملية استئصال المرارة

أعلن الفنان الكبير محمد التاجي، خضوعه لعملية جراحية، لاستئصال المرارة.

ونشر التاجي مقطع فيديو عبر حسابه الشخصى على ال فيسبوك، قائلا فيه: “صباح الخير، أنا رايح دلوقتي المستشفى هعمل جراحة لاستئصال المرارة”.

واضاف التاجى: “عايز أشتكيلكم كمان، وأقول إن السبب في فقع المرارة عندي ناس كتير جدا ربنا ينتقم منهم، هقولهم بالاسم”.

وذكر التاجي” بعض الأسماء، معلقا: “كتير في حياتي قرفوني في عيشتي وهما السبب في اللي جرالي ده، أشوف فيهم يوم إن شاء الله، وربنا يعدي العملية دي على خير”.

واستكمل: “الأشكال دي هي السبب في إني باخد حظر كتير على الصفحة عندي، ربنا يبعدهم عني لأني قرفت منهم”.

يذكر ان الفنان محمد التاجى شارك مؤخرًا فى فيلم “واحد تانى” بطولة أحمد حلمى، روبى، نسرين أمين، عمرو عبد الجليل، سيد رجب، أحمد مالك، نور إيهاب وعدد آخر من الفنانين، ومشاركة عدد من ضيوف الشرف منهم عمرو وهبة من تأليف هيثم دبور، وإخراج محمد شاكر خضير، وإنتاج شركات سينرجى فيلمز، وماجيك بين وأفلام مصر العالمية وأوسكار، والفيلم يعيد أحمد حلمى إلى السينما بعد غياب 3 سنوات.