إبراهيم سعيد: والله العظيم أهلاوي وخير الأهلى على الكل واللي بيهدوا فى الكيان معندهمش أصل
وجه اللاعب السابق ابراهيم سعيد رسائل نارية لكل جماهير الكرة المصرية .
حيث قال إبراهيم سعيد أنه اهلاوي ولم يكره الأهلى في يوم من الايام لانه صاحب الفضل عليه وقلت أنى زملكاوي زعل بس لكن والله اهلاوي ومينفعش اقف جنب اللي بيهدوا فى النادي الأهلي.
واضاف سعيد أن الأهلى خيره عليا وعلى كل اللعيبة اللي دخلت النادي الاهلي.
وتابع سعيد ،انا كنت على قد حالي ولولا الاهلي مكنتش حبقى كدة دلوقتي واتعلمت جوة الأهلى كل حاجة حلوة اتعلمت أن التعادل خسارة والهزيمة كارثة.
وأكد سعيد أن سيد عبد الحفيظ وبلال وامير عبد الحميد كانوا بيستضفوني وهما مغتربين وسيد عبد الحفيظ كان بيقسم اللقمة معايا لانه ابن أصول، سيد عبد الحفيظ ده اخويا اللي كان مغترب وكنا بناكل في طبق واحد على حسابه.
واضاف سعيد أنه لم ولن يتم توجيهه للدفاع عن الكيان اللى عمله وصنع اسمه وأنه عمره ما كان طبال لكن الكيان ده لازم كلنا ندعمه لانه هو اللي صنعنا كلنا.
وأكد سعيد أن الكابتن صالح سليم والكابتن ثابت البطل أخواتي الكبار ودول رموز ولما كانوا بيعاقبوني علشان بيحبوني.
ووجه سعيد رسائل نارية للاعبين اللي لعبوا في الاهلي وبيهدوا دلوقتي في النادي علشان مختلفين مع بعض الأشخاص داخل النادى أو لأغراض شخصية مادية، حيث قال لهم اوعوا تنسوا خير الأهلي عليكم لانه لولا النادي الاهلي مكنش حد حيعرفكم ومكنش حد حيعبرك والا كنت حتطلع فى التليفزيون أو حد حيعبرك ويطلب التصوير معاكم.
وختم سعيد حديثه قائلا حفضل ساند وداعم للنادي الاهلي لانى أهلاوي وابويا الله يرحمه اهلاوي ورباني على حب الأهلى.
رسالتي لكل من يهاجم الاهلي
اللاعبين القدامي
اوعي تنسي خير النادي الاهلي عليك !! pic.twitter.com/I95EVwz370— ibrahim saeed Hema(4) (@IbrahimsaidAdam) August 7, 2022
